აიცილე თავიდან ინფარქტი და ინსულტი – აკონტროლე წნევა

?????ჰიპერტენზია (მაღალი წნევა) ქრონიკული მდგომარეობაა, რომლის დროსაც სისხლის წნევის ციფრები იმატებს. ჰიპერტენზიამ შეიძლება გამოიწვიოს ინფარქტი, ინსულტი, თირკმლის დაავადება და სხვა გართულებები.

ჯანმრთელობის მსოფლიო ორგანიზაციის მონაცემებით, მსოფლიოში ხუთიდან ორ ზრდასრულ ადამიანს მაღალი წნევა აქვს, ჰიპერტენზიით ყოველწლიურად 1,5 მილიარდი ადამიანი ავადდება და 7 მილიონი კვდება.

ქართული რეალობა უფრო მძიმეა. დაავადებათა კონტროლისა და საზოგადოებრივი ჯანმრთელობის ეროვნული ცენტრის მონაცემებით, ყოველი ათი გარდაცვლილიდან ხუთის სიკვდილი ჰიპერტენზიას უკავშირდება. აღმოჩნდა, რომ ჰიპერტენზიით დაავადებულთა უმრავლესობა ხუთიდან სამიარ მკურნალობს.

რა უწყობს ხელს ინფარქტისა და ინსულტის განვითარებას?

მაღალი წნევა, ჭარბი წონა, სისხლში ქოლესტეროლისა და შაქრის მაღალი დონე, თამბაქო, არაჯანსაღი კვება, დაბალი ფიზიკური აქტივობა, ალკოჰოლის ჭარბი მოხმარება და სხვა.

140/90 და ამაზე მაღალი მაჩვენებელი მაღალ წნევად ანუ ჰიპერტენზიად ითვლება.

წნევის კონტროლი გულისხმობს მისი მაჩვენებლების 140/90-ზე დაბალ დონეზე შენარჩუნებას და სხვა რისკფაქტორების შემცირებას.

რა საჭიროა, ვიცოდეთ ჩვენი წნევის ციფრები?

ეს გვეხმარება, ადრეულად გამოვავლინოთ ჰიპერტენზია. მაღალი წნევის დასადგენად ერთადერთი გზა წნევის სწორი გაზომვაა. ეს მოითხოვს სათანადო წესების მკაცრად დაცვას და შემოწმებულ წნევის აპარატს.

თუ თქვენი წნევის ციფრები არ იცით, აუცილებლად მიმართეთ ექიმს.

თუ მაღალი წნევა აღმოგაჩნდათ, ძალიან მნიშვნელოვანია, წნევა სახლშიც რეგულარულად იზომოთ. მეთვალყურეობისთვის ექიმი დაგიგეგმავთ მომდევნო ვიზიტს.

არტერიული წნევის მომატების თავიდან აცილებაც შესაძლებელი და მკურნალობაც.

Print

როგორ ავიცილოთ თავიდან მაღალი წნევა?

–   ნაკლებად მოიხმარეთ მარილი და მარილიანი საკვები.

–   მირთვით მეტი ხილი და ბოსტნეული, ერიდეთ ტკბილეულს, ცომეულსა და ცხოველურ ცხიმს.

–   ერიდეთ ალკოჰოლის ჭარბ მოხმარებას.

–   იმოძრავეთ მეტი, ივარჯიშეთ რეგულარულად.

–   თავი დაანებეთ თამბაქოს წევას, ერიდეთ მის კვამლს.

როგორ ვუმკურნალოთ მაღალ წნევას

  • ბევრისთვის ცხოვრების წესის ცვლილება საკმარისია წნევის ნორმალური ციფრების მისაღწევად, უმეტესობას კი ამასთან ერთად მედიკამენტური მკურნალობაც სჭირდება. არსებობს ეფექტური და არცთუ ძვირი მედიკამენტები. თუ მათ ზუსტად ისეთი წესით მიიღებთ, როგორითაც ექიმმა დაგინიშნათ, წნევის გაკონტროლება და მისი გართულებების თავიდან აცილება შესაძლებელია!
  • გახსოვდეთ, წნევის ნორმალური მაჩვენებლების დროსაც კი მკურნალობის თვითნებური შეწყვეტა არ შეიძლება – ეს ზრდის ჯანმრთელობის მდგომარეობის გაუარესების ალბათობას!

2 comments on “აიცილე თავიდან ინფარქტი და ინსულტი – აკონტროლე წნევა

  1. 13 წლის 6 აპრილს ქუთაისის დასავლეთ საქართველოს ზ. ცხაკაიას სახელობის ინტერევენციული მედიცინის ცენტრში ჰიპერტენზიის კვირეულის ფარგლებში ჩატარდა არტერიული ჰიპერტენზიისადმი მიძღვნილი კონფერენცია, მაინტერესებს ასეთ კონფერენციებზე დასწრება თავისუფალია, თუ დარეგისტრირება არის საჭირო წინასწარ? ))

    • expertncdc says:

      დასწრება ძირითადად არ არის თავისუფალი. მადლობა აქტიურობისათვის

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s